Genesis 33:1 αϥϫουϣτ δε `νϫε ιακωβ ουοϩ αϥναυ ϩηππε ις ηςαυ πεϥςον εϥνηου νεμ _υ `νρωμι νεμαϥ ουοϩ ὰ ιακωβ φωρϫ `ννιὰλωουὶ ὲϫεν λια νεμ ὲϫεν ραχηλ νεμ ὲϫεν ϯβωκι `ςναυϯ .
Genesis 33:2 ουοϩ αϥ`θρε ϯβωκι `ςναυϯ ςωκ ϩι`τϩη νεμ νουϣηρι λια δε νεμ νεςὰλωουὶ ϩιφαϩου `μμωου ουοϩ ραχηλ νεμ ιωςηφ ὲπαϧαὲ.
Genesis 33:3 `νθοϥ δε ναϥωςκ ϧαϫωου πε ουοϩ αϥουωϣτ `ν7 `νςοπ ϩιϫεν `πκαϩι ϣατεϥϧωντ ὲπεϥςον.
Genesis 33:4 ουοϩ αϥϭοϫι `νϫε ηςαυ ὲβολ ὲ`ϩραϥ αϥϯφι ὲρωϥ ουοϩ αϥϩιτϥ ὲϫεν τεϥναϩβι ουοϩ αυριμι `μ`π2.
Genesis 33:5 ουοϩ αϥϫουϣτ αϥναυ ὲνιϩιομι νεμ νιὰλωουὶ ουοϩ πεϫαϥ ϫε ου `ντακ νε ναι `νθοϥ δε πεϫαϥ ϫε ναὰλωουὶ νε νη ὲτα `φνουϯ ναὶνι `μπεκὰλου .
Genesis 33:6 ουοϩ αυϧοντ `νϫε νιὲβιαικ νεμ νουϣηρι ουοϩ αυουωϣτ .
Genesis 33:7 ουοϩ αςϧωντ `νϫε λια νεμ νεςϣηρι ουοϩ αυουωϣτ ουοϩ μενενςα ναι αςϧωντ `νϫε ραχηλ νεμ ιωςηφ ουοϩ αυουωϣτ.
Genesis 33:8 ουοϩ πεϫαϥ ϫε ου `ντακ νε ναιπαρεμβολη τηρου ὲταιὶ ὲβολ ὲ`ϩραυ `νθοϥ δε πεϫαϥ ϫε ϩινα `ντε πεκὰλου ϫεμ ου`ϩμοτ `μπεκ`μθο παϭοις .
Genesis 33:9 πεϫε ηςαυ δε ϫε ουονϯ ουμηϣ `μμαυ παςον μαρε νουκ ϣωπι νακ.
Genesis 33:10 πεϫε ιακωβ δε ϫε ιςϫε αιϫιμι `νου`ϩμοτ `πεκ`μθο ϭι `νναιταιο ὲβολ ϧεν ναϫιϫ εθβεφαι αιναυ ὲπεκϩο `νουαι ὲαϥναυ ὲ`πϩο `μ`φνουϯ ουοϩ εκὲϯμαϯ νεμηι.
Genesis 33:11 ϭι `νναι`ςμου ὲταιενου νακ ϫε αϥναι νηι `νϫε `φνουϯ ουοϩ ουονϯ `νχαι νιβεν αϥϭιτϥ `νϫονς ουοϩ αϥολου `ντοτϥ.
Genesis 33:12 ουοϩ πεϫαϥ ϫε μαρενϥαι `ντενμοϣι ϩι πιμωιτ ετςουτων.
Genesis 33:13 πεϫαϥ δε ναϥ ϫε παϭοις ὲμι ϫε νιὰλωουὶ ςεϫην ουοϩ νιὲςωου νεμ νιὲϩωου ςεϯϭι `ντοτ ὲϣωπ ουν αιϣανϭοϫι `νςωου `νουὲϩοου `νουωτ ςεναμου τηρου `νϫε νιτεβνωουὶ.
Genesis 33:14 μαρε παϭοις μοϣι ϧαϫωϥ `μπεϥὰλου ὰνοκ δε ειὲϫεμϫομ ϩι πιμωιτ κατα κουϫι ϧεν ϯϫινμοϣι ετχη `μπα`μθο νεμ ϧαρατου `ννιὰλωουὶ ϣαϯὶ ϩα παϭοις ὲςηιρ.
Genesis 33:15 πεϫε ηςαυ δε ϫε αν `νταςωϫπ νεμακ ὲβολ ϧεν νιμηϣ εθνεμηι `νθοϥ δε πεϫαϥ ϫε ὲρου νηι `μφαι κην αν ϫε αιϫιμι `νου`ϩμοτ `πεκ`μθο παϭοις.
Genesis 33:16 αϥταςθοϥ δε `νϫε ηςαυ ϧεν πιὲϩοου ὲτε`μμαυ ὲπεϥμωιτ ὲςηιρ.
Genesis 33:17 ουοϩ ὰ ιακωβ αϥϩωλ ὲνι`ςκυνη αϥθαμιο ναϥ `νϩανηι νεμ ϩαν`ςκυνη `ντε νεϥτεβνωουὶ εθβεφαι αϥϯρεν `φραν `μπιμα ὲτε`μμαυ ϫε νι`ςκυνη.
Genesis 33:18 ουοϩ αϥὶ `νϫε ιακωβ ὲςαλημ ουβακι `ντε ςικιμα θη ετχη ϧεν `πκαϩι `νΧανααν ϩοτε ὲταϥὶ ὲβολ ϧεν ϯμεςοποταμια `ντε ϯςυρια ουοϩ αϥϩικοτ `μπε`μθο `νϯβακι.
Genesis 33:19 ουοϩ αϥϣεπ ουτοι `ντε ουιοϩι ϧεν πιμα ὲταϥταϩε τεϥ`ςκυνη `μμοϥ `ντεν εμμωρ `φιωτ `νςυχεμ ϧα 10 `νϩιεβι.
Genesis 33:20 ουοϩ αϥταϩε ουμα`νερϣωουϣι `μμαυ ουοϩ αϥτωβϩ `μ`φνουϯ `μπιςραηλ.